الرئيسية / أخبار / بعد أن أخفته عن الإعلام لسنوات.. فيروز برفقة نجلها الأكبر هلي من ذوي الهمم بالكنيسة

بعد أن أخفته عن الإعلام لسنوات.. فيروز برفقة نجلها الأكبر هلي من ذوي الهمم بالكنيسة

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­
­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­

كشفت المخرجة ريما الرحباني ابنة الفنانة اللبنانية فيروز “جارة القمر”، للمرة الأولى عن صور لشقيقها الأكبر “هلي”، والذي يظهر للإعلام للمرة الأولى وكشفت من خلال تعلقيها أنه من ذوي الهمم.

وكشفت الصور عن ظهور جديد للفنانة فيروز، برفقة نجلها زياد الرحباني، ونجلها هلي، وهو الأبن الأكبر لها،  والذي يعـــاني من الشـــلل وأصــم وأبكـــم، ونشرت ريما صور لزيارتهم للكنيسة عبر صفحتها الشخصية بموقع “فيس بوك”، وكشفت في تعليقها عن وصـتـية والدها عاصي الرحباني عن شقيقها.

وعلقت على الصورة قائلة: “فيروز (إمّي)، زياد (أخوي)، وهلي الرحباني (أخوي)، الثلاثاء ٢١ حزيران ٢٠٢٢ في تمام الساعة ٨ و ٢١ دقيقة، كنيسة السيّدة – المحيدثة – بكفيا كنيسة العاصي، القداس السنوي عن راحة نفس عاصي (أبوي)، وليال الرحباني (إختي)، مع الصديق الأبونا ملحم “.

وتابعت: مش من زمان كتير فهمت إشيا كتيرة..أسئلة كتير كنت إطرحها بيني وبين حالي، إطرحها على خوارنة ومطارين..ع فلاسفة ومؤمنين.. فتش عنها بالكتب والأناجيل.. وولا مرّة حدا بجوابو ريّحني او قنعني! ليه هلي خلق بهالعيلة؟ وليه صار معو هيك؟ ليه عاصي فل بكير؟ وليال فلّت أبكر من بكير!… وليه؟ وليه؟ ولَيْهات كتيرة ضل إسألها.. ونفسي ما ترتاح من الوَجــ ـع ومن الأسئلة! إسمع كلام كتير ما يعنيلي شي ما يحرّك فيّي شي!”.

وأضافت: “ضريبة الشهرة” .. “مقابل كل فرح في وجـــع!” .. “مقابل كل نجاح في بِكي”..وما كانت تِرضى نفسي ولا تِستَكين .. وربنا شو؟ بيَعطي وبياخد؟ ربنا ليه راضي بهالظلم كلّو على هالارض الواسعة؟ ليه ما وزّع كَرمو على كل الناس بالعَدل والتَساوي؟ ليه؟ ليه؟ اي اي ما بنكر إنّي مرّات “كتير بكيت وصلّيت انا وحالي ووحدي إحتجّيت!” وزعلت منّو وما عدت احكيه..بس مش من زمان لقيت الجواب”.

وتابعت: هلي بيناتنا نحنا بالذات ت نضَل ماشيين عَ الارض! هلي حمانا من ضو الشهرة والمال والجاه والتكبُّر والتعجــ ـرُف وكل ملذّات الحياة الفانية، هلي نقّى نفوسنا وقلوبنا وطهّرها! هلي رد عنّا ضربات الحقـــد الماكر والحسد والغيرة، هلي خلانا نضل مجموعين وخلّا هالبيت ما يعيش فيه الا الحُب، وخلا قلوبنا توزّع حب وفرح عالناس كل الناس، خلانا مرتبطين بالناس البُسطا اللي بيشبهونا ومنشبهن! مش عن عبث بِكره الحياة الإجتماعية اللي مليانة تصنّع وكـــذب وسطحية وظهور وحفلات وعهر وكفر وبَطر ونجومية! مش عن عبــث ما برتاح إلا مع الناس الطيّبين بالضياع الخجــولة والفلاحين والزرّاعين والحطّابين والعمّال الكادحين.. لاء.. منّي شيـــوعيّة.. لاء انا مسيحيّة وهيك بتكون المسيحيّة الحقيقيّة! مش اللي مغطـــسة بتيجان الدهب ولا بالصلبان المشطوبة، ما حدا علّمني ما حدا ربّاني ما حدا لزَمني.. كون هيك!”.

واستطردت: “هلي اللي ما بيِحكي وما بيِسمع وما بيِمشي هوّي اللي علّمني كل هول علّمني سامح وحب وأعطي أهلي عمري وحياتي متلما هوّي عطانا، وبحسب قناعة عاصي وكلام عاصي إلي “هلي وزّع ذكاه عليكي إنتي وزياد وليال بالتساوي! ولهيك لازم كتير تحبّوه لهلي!” أي يا بيّي هيّاني عم قول اللي بدَّك ياني، إنتَ وساكٍن العالي، قولو هلي يا ملاك البيت  الله يحرسك ويطوّل عمرك ويخلّيك بركة هالبيت!”.

أبناء فيروز

يُذكر أن فيروز تزوجت من الموسيقار عاصي الرحباني عام 1955، وانجبت منه أربعة أبناء هم؛ الموسيقار زياد الرحباني 1956م، هلي عام 1958م، ليال الرحباني عام 1960م ولكنها توفيت عام 1988م، المخرجة ريما الرحباني عام 1965م.

 

من ناحية أخرى، كانت أغنية «إلى متى يارب» آخر ما طرحته فيروز، حيث ظهرت جارة القمر في الأغنية وهي تؤدي كلماتها على شكل ترنيمة، وهي فكرة وإنتاج وإخراج ريما الرحباني.

شاهد أيضاً

بعد 18 عام من عرضه.. بطلة فيلم فول الصين العظيم في أحدث ظهور لها مع عائلتها

لا يزال الجمهور المصري والعربي يتذكر جيداً فيلم فول الصين العظيم بطولة الفنان الكبير محمد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *